РУДН-д жил болгоны 4 сард "МЭФИ" оюутны богино хэмжээний баримтат кино наадмыг зохиодог билээ. Сэтгүүл зүй, олон нийттэй харилцах чиглэлээр суралцдаг оюутнууд заасан сэдвийн хүрээнд зохиолоо бичдэг. Уралдаанд ирсэн зохиолуудыг тусгай комиссоор хэлэлцэн эцсийн шатанд шалгаруулснаар зураг авах ажил эхэлдэг. Арван нэгэн жилийн өмнө анх зохиосон энэ арга хэмжээ нь оюутнуудын бүтээлч сэтгэлгээг хөгжүүлэх, мэргэжлийн туршлага хуримтлуулах арга барил юм.
Энэ онд, МЭФИ-2013 наадамд таван богино хэмжээний баримтат кино оролцсоноос сэтгүүл зүйн 3-р курсын оюутан Б.Цэрэнлхам, Ц.Уранхишиг нарын "Воодушлевляя поколения" баримтат кино түрүүллээ. Энэ кино нэгэн хазгар хөл бөмбөгчний тухай өгүүлдэг билээ. Энэ нь МЭФИ-д монгол оюутнууд бие даасан бүтээлээрээ түрүүлсэн анхны тохиолдол юм.
Комментариев нет:
Отправить комментарий